Pakistanda ilk dəfə investisiya imkanları mövzusunda “Pakistan Mineral İnvestisiya Sammiti: Tozdan İnkişafa” adlı bir günlük beynəlxalq tədbir həyata keçirildi.

İslamabad şəhərində keçirilən tədbirdə Agentliyin İdarə Heyətinin sədri Samir İdayətov, sədr müavini Azər Şükürov və ictimaiyyətlə əlaqələr üzrə nümayəndəsi Nigar Orucova iştirak etmişlər.

Pakistan dövlətinin mülki və hərbi rəhbərliyinin birgə təşəbbüsləri ilə həyata keçirilən Sammitdə Pakistanın təbii ehtiyatların idarə olunması, səmərəli istifadəsi, qlobal təchizat zəncirində təhlükəsiz təminatı və mədənçilik sektorunda investisiya imkanlarına dair müzakirələr aparıldı.

Onu da qeyd edək ki, "Faydalı qazıntılar sənayesinin inkişafı və dayanıqlı idarəetmə" adlı sessiyasında çıxış edən  Azərbaycan tərəfi neft-qaz sənayesinin inkişafı, hasilat həcmləri, ixrac dinamikası, eləcədə ölkəmizin qlobal yaşıl enerji keçidinə və enerji təhlükəsizliyi istiqamətində görülən işlər haqqında da danışıldı.

Həmçinin tədbir çərçivəsində Agentliyin rəhbərliyi bir sıra yerli və digər dağ-mədən şirkətləri ilə görüşlər keçirmiş sözügedən sahədə əməkdaşlıq imkanlarını müzakirə etmişlər.