Bakıda BMT-nin Korrupsiyaya qarşı mübarizə aparan hüquq-mühafizə orqanlarının Qlobal Əməliyyatlar Şəbəkəsinin 6-cı plenar iclası keçirildi. Baş Prokurorluğun təşkilatçılığı ilə keçirilən “GlobE Network”də Dövlət Mineral Xammal Ehtiyatlarından İstifadə Agentliyinin sədr müavini Elçin Məcidov da iştirak etdi. İclasda vəzifəli şəxslər tərəfindən törədilən ekoloji hüquqpozmalar müzakirə olundu. Ekoloji cinayətlərin qarşısının alınması və istintaqı işində xarici ölkələrin korrupsiyaya qarşı mübarizə sahəsində təcrübəli mütəxəssisləri, Azərbaycanın hüquq-mühafizə orqanlarının nümayəndələri, eləcə də elmi-tədqiqat institutlarının əməkdaşları da daxil olmaqla ümumilikdə 50-yə yaxın iştirakçının təqdimat və çıxışları dinlənildi.