Dövlət Mineral Xammal Ehtiyatlarından İstifadə Agentliyi faydalı qazıntı yataqlarında müntəzəm monitorinqlər keçirir. Texniki baxış nəticəsində müəyyən olunmuş qanunsuz hasilatla bağlı istismarçılar barəsində aktlar və inzibati xəta haqqında protokollar tərtib olunub.

2024-cü ilin ilk yarısında görülən hüquqi tədbirlər:

*Qanun pozuntularına dair ümumilikdə fiziki və hüquqi şəxslər barəsində 23 protokol tərtib olunub.

*20 fiziki və vəzifəli şəxs barəsində Agentlik tərəfindən inzibati tənbeh vermə haqqında qərar qəbul edilmiş, 3 hüquqi şəxs barəsində Agentlik tərəfindən tərtib edilmiş inzibati protokollar inzibati tənbeh verilməsi haqqında qərar qəbul olunması üçün məhkəmələrə göndərilib.

*Əməllərində cinayət tərkibi ehtimal edilən fiziki və hüquqi şəxslər barəsində aktlar hüquqi qiymət verilməsi üçün Prokurorluq və Daxili İşlər orqanlarına təhvil verilib.    

Yeri gəlmişkən, dağ-mədən sənayesilə məşğul olan sahibkarları bir daha yer təkindən istifadə zamanı diqqətli olmağa, qanunlara riayət etməyə çağırırıq. Çünki istismar zamanı ekoloji duruma, ətraf mühitə və perspektivə daha  həssas yanaşmalıyıq.

Faydalı qazıntı yataqlarının qənaətlə və təhlükəsiz istismarını təmin etmək Agentliyin başlıca prinsiplərindən biridir.