Naxçıvan Muxtar Respublikası Ekologiya və Təbii Sərvətlər Nazirliyi və Hərracların Təşkili üzrə Auksion Mərkəzi  tərəfindən iyulun 7-də yerin təkinin istifadəyə verilməsi üzrə Naxçıvan şəhərində hərrac keçiriləcək.

Hərracda 1 lot üzrə Naxçıvan Muxtar Respublikasının Babək və Culfa rayonu ərazisində yerləşən “Qoşaquldağ” (Pircuvardüzü) qum yatağı satışa çıxarılacaq. Başlanğıc qiyməti 15180 manatdan başlayan yatağın istismar müddəti 15 ilədəkdir.

Hərracda iştirak etmək istəyən fiziki və hüquqi şəxslər hərracla bağlı məlumat almaq, xidmət haqqı və 10% miqdarında beh məbləğini ödəmək üçün Naxçıvan Muxtar Respublikası Ekologiya və Təbii Sərvətlər nazirliyinə müraciət edə bilərlər.

Elanda göstərilən sənədlər 25 iyun 2023-ci il saat 16:00-a qədər Naxçıvan şəhəri, Cəlil  Məmmədquluzadə  küçəsi 42 ünvanında yerləşən Naxçıvan Muxtar Respublikası Ekologiya və Təbii Sərvətlər Nazirliyinin inzabti binasına təqdim edilməlidir.

Açıq hərrac Naxçıvan şəhəri, Naxçıvan Biznes Mərkəzində saat 11-də təşkil olunacaq.

Qeyd edək ki, hərracda xarici ölkələrin hüquqi və fiziki şəxsləri də iştirak edə bilər.

Hərraclar və digər yeniliklərlə bağlı son xəbərləri Dövlət Mineral Xammal Ehtiyatlarından İstifadə Agentliyinin sosial şəbəkədə mövcud səhifələrindən də əldə edə bilərsiniz.