Dövlət Mineral Xammal Ehtiyatlarından İstifadə Agentliyində “Qısnama və bullinqi qadağan edən Təlimat” proqramının tanıtımı oldu. Təlim Ekologiya və Təbii Sərvətlər Nazirliyinin İnsan resurslarının inkişafına dair Strategiyasına uyğun olaraq iş yerində zorakılıq hallarının qarşısının alınması və məlumatlandırmanın təmin edilməsi məqsədilə keçirildi. Qısnama və bullinqə qarşı mübarizə barədə işçilərin məlumatlandırılması, davranış gözləntilərinin müəyyən edilməsi, mənəvi-psixoloji zorakılıq halları olduqda şikayət imkanlarının təşkili, işçilərin təhlükəsiz, qısnamaya məruz qalmadan, hörmətlə rəftar olunduğu iş mühitilə təmin edilməsi, peşəkar və inklüziv mədəniyyətin təkmilləşdirilməsi təlimatın əsas prinsipləridir. Bullinqlə mübarizə tələbləri bütün işçilərə şamil edilir və təlimat struktur bölmə rəhbərləri tərəfindən əməkdaşlara bilavasitə təqdim olunur.