Faydalı qazıntı yataqlarında ehtiyatı bitmiş hissələrin rekultivasiyası aparılıb və ölkə üzrə bəzi yataqlarda bu proses hazırda da davam etdirilir.

     Detalları təqdim edirik:

*Abşeron yarımadasındakı “Türkan” əhəng daşı yatağında ehtiyatı tükənmiş ərazinin rekultivasiyası başa çatmaq üzrədir. Son 6 ayda 15 ha ərazi tam təmizlənib, sahəyə ağaclar                  əkilib.

*Qazaxdakı “Daş Salahlı” bentonit gili yatağında 7.5 ha sahəyə 1.600 şam ağacı əkilib.

*Qaradağın “Səngərqaya” yatağı mişar daşı istehsalı nəticəsində yaranmış tullantılardan təmizlənib, 80 ha ərazidə texniki rekultivasiya işləri görülür. 

     Faydalı qazıntı yataqlarından səmərəli və təhlükəsiz istifadəni təmin etmək məqsədilə ümumilikdə təxminən 100 ha-ya yaxın ərazi istismar zamanı yaranmış tullantılardan təmizlənib. “Yaşıl dünya naminə həmrəylik ili” çərçivəsində eko-layihələrə dəstək və rekultivasiya tədbirləri ilin sonunadək davam etdiriləcək.