Abşeron rayonu ərazisində yerləşən “Türkan I” və “Türkan II” əhəngdaşı yataqlarının ehtiyatı tükənmiş sahələrində aparılmış rekultivasiya işlərinə yerində baxış keçirildi. Dövlət Mineral Xammal Ehtiyatlarından İstifadə Agentliyinin mütəxəssisləri sahə ölçülərini dəqiqləşdirdi və rekultivasiya aparılmış sahələrin koordinatlarını naturada qeydiyyata aldı. “Grand-Agro” MMC şirkətindən rekultivasiyaya dair öhdəçilik tələblərinin yerinə yetirilməsi, texniki və bioloji rekultivasiya işləri barədə məlumat verildi. Monitorinq zamanı torpağın əkinə yararlılıq vəziyyəti qiymətləndirildi, suvarma məqsədilə yaradılmış hovuza baxış keçirildi. Sonda müvafiq qaydada akt tərtib olundu.