Avqustun 26-da yer təkindən istifadə üzrə növbəti hərrac keçirildi. 

Dövlət Mineral Xammal Ehtiyatlarından İstifadə Agentliyinin təşkilatçılığı ilə keçirilən hərracda Füzuli rayonu “Arayatlı” qum-çınqıl yatağı və Qəbələ rayonu “Bumçay” qum-çınqıl yatağından ümumilikdə 3 LOT sahə auksiona çıxarıldı. Dağ-mədən fəaliyyətilə məşğul olan üç müəssisənin təmsilçisi hərracda iştirak etdi. Auksion rəqabətli keçdi. Hərrac başa çatdıqdan sonra komissiya üzvləri və qaliblər yekun protokolu imzaladılar.

Hərracın təşkilində əsas məqsəd regionlarda yer təkindən qanunauyğun istifadənin təşviqinə, tikinti və yenidənqurma layihələrinin uğurlu icrasına, habelə dağ-mədən işlərinə investisiyanın cəlb edilməsinə dəstək olmaqdır.